Friday, March 11, 2011

ஜப்பான் பேரழிவு; இரங்கற்பா.


பொங்கிய கடலே....
போதுமெனச் சொல்ல
யாரை விட்டு வைத்தாய்?


போர்த்தியப்
போர்வையைப் பிடுங்கி
சாவு காட்டினாய்;
பொங்கிய
உன் வியர்வையைத் துடைக்கக்
காவு வாங்கினாய்;


கோடிகளைக் கொன்றாய்'
கோடியில் இருந்தவனையும்
கொன்றாய்;
கொலைகாரக் கம்யூனிஸ்ட்டாய்
சர்வாதிகாரம் செய்தாய்;


அடுக்குமாடி வீடுகளை
உடல்கள் மீது அடுக்கினாய்;
அழுகிப்போன உடல்களை
எதன்மீது அடுக்குவாய்?


படகுகளை தெருவிலும்
கார்களை கடலிலும்
வீசினாய்;
யார்மீதான கோபத்தை 
எங்கள் மேல்
கொப்புளித்துத் துப்புகிறாய்...?


பிணங்களை நீரில்
புதையச் செய்தாய்;
நிலங்களைக் கடலில்
புதையச் செய்தாய்;
உறவுகளை எங்கு
புதையச் செய்வாய்?


பசிதாங்கா
என் நாய்க்குட்டி
இப்போதிங்கே?
அதனை விரட்டச்சொன்ன
அண்டை வீட்டு
அக்காள் எங்கே?


காலை முறைத்துச் சென்ற
என் கணவன் எங்கே?
மாலை வருமென நினைத்த
எங்கள் காதல் எங்கே?


என் பால்காம்பைக் கவ்வியிருந்த
என் குழந்தை எங்கே?
அதை நீ
முட்டிச் சாகவைத்த
முள்வேலி எங்கே?


பொங்கிய கடலே
எங்களைப் புதைக்க
சிலரையேனும் விட்டுவை;


தப்பிய சிலரை
அடுத்த முறைக்கேனும்
விட்டுவை;

5 comments:

TechTamil Karthik said...

God must be stupid., If he exists.

Humans must be stupid, If they thinks they are superpowers against nature.

These are just a cause or chain of events that leads to us to the end of Mayan's calendar.

Happpy Journy Humans!

தமிழ்வாசி - Prakash said...

சுனாமி கவிதை... மனம் கலங்குகிறது.

எனது வலைபூவில் இன்று:ஜப்பான் சுனாமி பேரழிவு - வீடியோ

சண்முககுமார் said...

வணக்கம் தங்கள் படைப்புகள இந்த தளத்தில் இணைக்கவும்
தமிழ் திரட்டி

Chitra said...

It is really sad... Our prayers are for them.

akulan said...

"அடுக்குமாடி வீடுகளை
உடல்கள் மீது அடுக்கினாய்;
அழுகிப்போன உடல்களை
எதன்மீது அடுக்குவாய்?"
நல்லா இருக்குது
கடுமையான வரிகள்............
(யப்பான் மனிதர்கள் வாழ தெரிந்தவர்கள்)

Related Posts Plugin for WordPress, Blogger...