Sunday, April 12, 2009

சில நேரங்களில் சிந்தித்தது


1)எவரேனும் "நாயே" என திட்டும்போது மட்டுமே
நாம் மனிதன் என உறைக்கிறது நமக்கு!!
சுவற்றில் மூத்திரம் போகும் போது
ஏனோ தெரிவதில்லை...!!

2)மிருகங்களின் பேர் சொல்லி
நாம் நமக்குள் திட்டுக்கொள்வது போல்,
மிருகங்கள் தங்களுக்குள்,
நம் பேர் சொல்லி திட்டிக் கொள்ளுமோ??!!

3)வளர்ந்த பின் நம்மில் எத்தனை பேர்
"பொய் சொல்லக்கூடாது" என திட்டிய அம்மாவிடம்,
"நிலாவில் பாட்டி வடை சுடுகிறாள்" என,
ஏன் சொன்னாயென கேட்டோம்??

4)அடிபட்டு கீழே விழும் போதெல்லாம்
"நல்லா வேணும்" என எவனும் சந்தோஷப் பட்டிருப்பானோ,
என்றே எண்ணுகிறேன் நான்.
அப்புறம் தான் வலியெல்லாம்..

5)1000ரூபாய் நோட்டுக்குள்
அப்பாவியாய் சிரிக்கும் காந்திக்கு,
"உயிருடன் இருந்தபோது 'இவ்வளவு' மதிப்பு இருந்திருக்குமா?"
என்று லஞ்சம் கொடுத்து
வேலை சாதிக்கையில் யோசித்திருக்கிறேன்.

6)ரோட்டில் எச்சி துப்பிக்கொண்டே,
அவ்வப்போது,
நம் நாட்டின் சுத்தத்தை குறை சொன்னதுண்டு...!

7)நல்லவனுக்கு 'கெட்டவன்'
கெட்டவனாக தெரிவான்..
கெட்டவனுக்கு 'நல்லவன்'
கெட்டவனாக தெரிவான்..
அப்படியெனில்,
ஒருவன் 'நல்லவன்'
ஒருவன் 'கெட்டவன்'
என முடிவு செய்பவன் யார்?

8)பாட்டி சொன்னதெல்லாம் கிடக்கட்டும்
அம்மா என்ன சொல்கிறாள் என்று மட்டுமே அப்பா கேட்கிறார்.
அவர் அப்பாவும் அப்படிதான் இருந்திருப்பார் போல..
நானும் அப்படிதான் இருக்க வேண்டுமோ??

9)பிச்சைக்காரன் 'பிச்சை' எடுப்பதையும்,
நான் 'பிஸ்ஸா' தின்பதையும் நிர்ணயித்தது எது?
இப்படி யோசிக்கப் பிடிக்கவில்லை..
யோசிக்கப் பிடித்தால்
பிஸ்ஸா பிடிக்கவில்லை..!!

10)விபச்சாரியிடம் செல்லும் முன்,
"ஆண் விபச்சாரர்கள் இருந்து
நம் மனைவி அவனிடம் போனால்
எப்படி இருக்கும்?"
என எவனேனும் சிந்தித்து,
போகாமலே வீடு திரும்பியிருப்பானா?

11)தாயோ தந்தையோ,
மகனோ மகளோ,
காதலனோ காதலியோ,
எவராயினும்,
ஒரு மரணத்தை மறக்க
மூணு நாள்..!!

12)வாழும் போது
எப்போது இறக்கப்போகிறோம்
என தெரியாது..
இறந்த பின்னாவது
எப்போது வாழ்ந்தோம்
என தெரியுமா?

13)"அவள் வேறு ஜாதி டா!"
எனக் கூறி
காதல் மணங்களை
எதிர்க்கும் தந்தைகள்,
என்றாவது,
தங்கள் மகனுக்கு
ஏன் ஜாதிப் பற்று
இல்லையென
யோசித்திருப்பார்களா?

3 comments:

indra said...

Hi friend,

I have read ur poem.. mmmmmm..its like some thing which others try to say but failed to say. u made it.fantastic. Go a head

Vaish said...

Hi Ashok,
All your poems are very sensible...
Many can think... But only a few can express... You did it...
Very nice and thought provoking poems... Very good...

sreevathsan said...

kavithai in aarambam kangal,
an aenil kaadhalum anguthan aarambamagirathu...
antha kaadhal than unnai kavignanaga uruvakkiyathoo?
kavithaigal moolam kaalaththai venruvittai ada..
valthukkal..

Related Posts Plugin for WordPress, Blogger...