Sunday, April 12, 2009

காதல் வாய்த்திருக்கிறது கொஞ்சம் சண்டையுடன்..



இருதயத்தின் ஒருதயத்தை மட்டுமல்ல
மறுதயத்தையும் பார்க்க 'நினைக்கும்'....
இல்லை இல்லை....
பார்க்கத் 'தெரிந்த' சிலருக்கே
காதல் வாய்க்கிறது...
அப்படியே கொஞ்சம் உனக்கும்,
கொஞ்சம் எனக்கும்,
மொத்தமாய் நமக்கும்,
காதல் வாய்த்திருக்கிறது...

நாம் சண்டையிடும் போதெல்லாம்
அம்மாவிடம் ஊட்டிக் கொள்ள
அடம்பிடிக்கும் குழந்தையைப் போல்தான்
உன்னிடம் இருக்கிறேன் நான்...
எப்படியும் என்னை சமாதானம் செய்து
காதலை ஊட்டிவிட்டு விடுவாய்
என்ற நம்பிக்கையில்......
இதுவரைக்கும் இப்படித்தான்
இனிமேலும் அப்படித்தான்..!

நாம் சண்டையிடும் ஒவ்வோர் முறையும்
நான்,
உனக்கு எப்படித் தெரிகிறேனோ தெரியாது...
நீ,
எனக்கு உலகிலேயே அழகான ஆணாய்த்தான்
தெரிகிறாய்...
ஏனா?
எனக்கு சண்டையிடத்தான் தெரியும்
உனக்குத்தானே சமாதானம் செய்யவும் தெரியும்...!!

ஆனால்..
மறந்தும் 'நீ', என்னிடம் சண்டையிட்டு விடாதே
சத்தியமாய் எனக்கு சமாதானம் செய்யத் தெரியாது..
எனக்கு சண்டையிட மட்டுமெ காதல் கற்றுதந்திருக்கிறது...

நான் சண்டையிட்டுக் கொண்டேயிருக்கிறேன்....
நீ சமாதானம் செய்துகொண்டேயிரு...
நாம் காதலித்துக் கொண்டேயிருப்போம்..
உலகம் அழகாகிக் கொண்டேயிருக்கட்டும்.......!!

No comments:

Related Posts Plugin for WordPress, Blogger...