Thursday, February 19, 2009

சுஜீத் G


தமிழில் ஒரு வலைப்பக்கம் வைத்துக்கொண்டு தமிழ் ராப் இசைக் கலைஞர் 'சுஜீத்'தை பற்றி எழுதாமல் போனால் அது மாபெரும் குற்றமென்றே நினைக்கிறேன், இவ்வளவு தாமதமாக எழுதுவதைக் கூடத்தான்! தமிழுக்காகப் பாடுபவன், தமிழைப் பாடுபவன், தமிழினத்தைப் பாடுபவன், தமிழ்நாட்டில் இல்லையே தவிர மற்ற இடங்களில் இருக்கத்தான் செய்கிறான். ஈழத்தமிழரான சுஜீத் இப்போது வசிப்பது லண்டனில். அவரைப் பற்றிய அறிமுகம் நம் தமிழ்நாட்டில் ஏறக்குறைய இல்லவே இல்லை என்பது என்னை மிகவும் வருத்துகிறது. அவரது ஒவ்வொரு பாடலும் தனிச் சிறப்புடையவை. காதல், வீரம், விடுதலை, ஈழம், உறவுகள் என வெவ்வேறு விஷயங்களைக் கொண்டுள்ளவை. அனைத்து பாடல்களையும் எழுதி, பாடியவர் சுஜீத் என்பது இன்னுமொறு சிறப்பு. புலம்பெயர் வாழ்கையில் இருக்கும் கொடுமைகளை 'விஷம்' என்ற பாடலில் அவர் கூறியுள்ள விதம் கண்ணீர் வரவழைக்கும் அளவு உண்மையும், உருக்கமும் கொண்டது. ஒவ்வொரு பாடலுக்காகவும் அவர் எடுத்துக் கொண்டுள்ள சிரத்தை அளப்பெரியது. உதாரணத்திற்கு அவரின் வரிகள் சிலவற்றை தருகிறேன்.

"சொந்த இனத்தை மறைக்கப்போனா மனுசன் நீயும் இல்லை கண்டதுக்கும் வளைஞ்சு கொடுக்க தமிழன் தண்ணி இல்லை - என்றும் குப்பை வாழ்க்கை வாழ நீயும் சேத்துப் பண்ணி இல்லை செந்தமிழா எழுந்து வா செந்தமிழைக் காக்க வா தமிழர் குடி மறவரடி மறவர் குடி தமிழரடி"

"ஆவதும் பரத்துள்ளே அழிவதும் பரத்துள்ளே போவதும் பரத்துள்ளே புதுவதும் பரத்துள்ளே தேவரும் பரத்துள்ளே திசைகளும் பரத்துள்ளே யாவரும் பரத்துள்ளே நீயும் அப்பரத்துள்ளே"

"வந்தாரை வாழவை வம்பிலுத்தா வாளை வை"

"சுயம் என்ற ஒன்று உனைச் சுடவேண்டும் - அதற்கு
சுரணை என்ற ஒர் உணர்(வு) வேண்டும்"

நீங்கள் கேட்க, அவரது பாடல்களில் பெரும்பான்மையை எனது இந்த வலைப்பதிவிலேயே அளித்துள்ளேன், பாடல்களை பதிவிறக்கம் செய்ய http://www.sujeethg.com/index.php?option=com_content&task=view&id=97&Itemid=191
என்ற சுட்டியை கிளிக் செய்யவும். சுஜீத்தின் முதல் வெளியீடான 'அடி மேல் அடி' மிகப்பெரும் வெற்றிபெற்றதை அடுத்து, மீண்டும் அய்ங்கரன் நிறுவனத்துக்கே தனது அடுத்த வெளியீடான 'இராவணன்'னின் உரிமைகளை வழங்கியுள்ளார். இராவணன் விரைவில் வெளிவருகிறது. சுஜீத் பாடல்கள் பற்றிய கருத்துக்களை எழுதிச்செல்லுமாறு வேண்டுகிறேன். நன்றி.

1 comment:

saravana said...

Sujeeth in varigalil.. Oru Thamizhanaai.. Thamizhanin valiyai unaramudigiradhu.. innum yeththanai yugangalaga... Thamizhin perumaiyayum thamizhanin pazhamaiyayum pesikongu Tamizhum, thamizhanum padum avasthaigalai.. vedikkai parthukondu irukkumo indha arasangam...

Related Posts Plugin for WordPress, Blogger...